عذب السجاياوعوده بأول الكنه

هذي قصيدة رائعة وابغ رايكم بة
عذب السجاياوعوده بأول الكنه



متى تزين السوالف واخذ علومه



وا سامحه عن خطات الجرح والونه



وا عاتبه لو يصد شوي والومه



واذكره بأول المسفار حتى انه



الى تذكر زمان أول نسى نومه



يوم انه اقبل خدين الروح يوم انه



واقبلت اراعيه والقومه هي القومه



من يومها والحشاء ما عادله خنه



الا لصوته وميعاده وملزومه



عفري هنف لضلوع وجالهن حنه



واستانست له فياض القلب وارجومه



لبى جبينه لا ارتج الغطا كنه



برق(ن) يصب الرفيف بكبد ديمومه



ماقول شفته وشفت البيض يتلنه



اقول شفته وشفت الشمس منجومه



ما اقول كن جديل الليل لكنه



ليل(ن) خرعه الظلام و ضيع انجومه



ياقبلت الله هاك العنقود لي منه



قام تهجا شذا عطره ويشمومه



فيه انتهاء النور لا والله بدا منه



فجر(ن) تناعس بالوريد



ونام بهدومه



ورد (ن) تـفـرعن حماره قلت با كنه



الى متى والحنايا منه مفطومه



فز وتتطرق رطيبه وقلت ماعنه



بالم شيحه ور يحانه وقيصومه



صد وتلعثم هديله في برد سنه



ياقوم ذا النور يوم انكت ياقومه



الله عطانيه والله يعطي الجنه



والى استجد الهوى كل(ن) ومقسومه
شعر/ مساعد الرشيدي

جميلة ورائعة وكلمات متناسقة شكرا

تسلم اخي وفقك الله المزيد من التالق