الطير بارزاقها طارت وانا في رجاااك

#poem_4d0bfbf62a0d7 td {
font-family: 'traditional arabic', arial, helvetica, sans-serif;
font-size: x-large;
font-weight: bold;
}

الطير بارزاقها طارت وانا في رجاااك

ياشيب راس الرضيع اللي فقد ضمتك

طواني الجوع ياللي قصرت بك خطاك

من صبح والعين ترقب ياغلا طلتك

كانك مجنب ولا ودك تقابل غلاك

هات الخبر قبل اشوف الليل في ظلمتك

اصدق معي لا تجامل جعل روحي فداك

ماني بعاتب وقلبي غافر(ن) زلتك

برق الامل لاح نوره وابتسم له شفاك

واصدت عصفورك الواقع على زهرتك

سرقتني بالنظر وارسلت سهمك شباك

واصبحت اسيرك وقلبي ملك في قبضتك

بشويش تكفى ترفق بي من إيد الهلاك

ان مت من سبتك تموت من حسرتك

الواقع اللي نعيشه ما صرف لي رضاك

احيان تزعل وبعض احيان انا فرحتك

طبعك مزاجي وتفكيرك يعاند هواك

تقول في داخلك ها الناس ما همتك

من يحتمل وسوسه شيطانك اللي دهاك

في كل مرة تبرر عن سبب غلطتك

فوق الغلا زدتني همك وهمي معاك

واصبحت بعيون خلك دمع محتلتك